Bashkë për më shumë investime dhe partneritete Kosovë–Gjermani

Unioni i Bizneseve Shqiptaro-Gjermane organizoi „Takimin e Bizneseve Shqiptaro-Gjermane 2026“, i cili u zhvillua në Flori Gallery – Prishtina Mall, duke mbledhur përfaqësues të institucioneve, diplomacisë dhe komunitetit të biznesit nga Kosova, Gjermania dhe diaspora shqiptare.

Fokusi dhe objektivat e takimit

Në qendër të takimit ishin investimet, krijimi i partneriteteve të reja dhe forcimi i bashkëpunimit ekonomik ndërmjet Kosovës dhe Gjermanisë.

Diskutimet u fokusuan në:

Krijimin e mundësive konkrete për bashkëpunim,
Zgjerimin e rrjeteve profesionale, si dhe
Nxitjen e investimeve të diasporës dhe bizneseve shqiptaro-gjermane në Kosovë.

Prezantimet dhe mesazhet kryesore

Kryetari i Bordit të Unionit, z. Zenun Krasniqi, në fjalën e tij theksoi rëndësinë e forcimit të lidhjeve ndërmjet bizneseve në Kosovë dhe Gjermani, si dhe potencialin e madh që diaspora shqiptare përfaqëson për zhvillimin ekonomik dhe investimet në Kosovë.

Sekretari i Përgjithshëm, z. Irfan Purcuku, prezantoi punën, aktivitetet dhe projektet e Unionit, duke vënë në pah angazhimin e organizatës për krijimin e urave të qëndrueshme të bashkëpunimit ndërmjet sipërmarrësve shqiptarë dhe gjermanë.

Në kuadër të programit, kompanitë anëtare patën gjithashtu mundësinë të prezantojnë aktivitetet, projektet dhe potencialin e tyre për bashkëpunime të reja.

Networking dhe takimet B2B

Një pjesë e rëndësishme e ngjarjes iu kushtua networking-ut dhe takimeve B2B, gjatë të cilave pjesëmarrësit:

Krijuan kontakte të reja,
Shkëmbyen përvoja, dhe
Diskutuan mundësi konkrete për projekte të përbashkëta, investime dhe partneritete biznesi.

Falënderime dhe mbështetje

Unioni i Bizneseve Shqiptaro-Gjermane falënderon të gjithë pjesëmarrësit, përfaqësuesit institucionalë, partnerët dhe bizneset që, me praninë dhe angazhimin e tyre, kontribuuan në suksesin e kësaj ngjarjeje.

Një falënderim i veçantë u drejtohet sponsorëve të organizimit: