Zgjidhet Bordi Këshillëdhënës i Unionit të Bizneseve Shqiptaro-Gjermane

Kryesia e Unionit të Bizneseve Shqiptaro-Gjermane (UNION), në përputhje me Statutin e shoqatës, zgjodhi përbërjen e re të Bordit Këshillëdhënës, një organ i rëndësishëm këshillues dhe strategjik në mbështetje të zhvillimit të mëtejmë të UNION-it.

Bordi i ri Këshillëdhënës

Për President të Bordit Këshillëdhënës u zgjodh z. Nazmi Viqa.

Als anëtarë të Bordit Këshillëdhënës u zgjodhën:

Vllaznim Kelmendi
Virtyt Ibrahimaga
Fatbardh Blenishti
Nexhmedin Veliqi
Bekim Borovci
Xhevdet Hajdari
Ukë Blakaj
Bali Baliu
Ilir Balija

Publikimi zyrtar në Prishtinë

Vendimi për përbërjen e re të Bordit Këshillëdhënës u bë publik gjatë „Takimit të Bizneseve Shqiptaro-Gjermane 2026“ në Prishtinë nga Kryetari i Bordit të UNION-it, z. Zenun Krasniqi, i cili me këtë rast e ftoi Presidentin e sapozgjedhur të Bordit Këshillëdhënës, z. Nazmi Viqa, për një fjalë rasti.

Përkushtim ndaj përgjegjësisë dhe vizionit strategjik

Duke iu drejtuar të pranishmëve, z. Viqa falënderoi për besimin e dhënë dhe theksoi përgjegjësinë që sjell detyra e re:

„Ky besim për mua nuk është vetëm një nder. Ai është një obligim për të vazhduar t’i shërbej kësaj organizate.“

Në fjalën e tij, z. Viqa theksoi se Bordi Këshillëdhënës duhet të jetë shumë më tepër sesa një organ këshillues – një platformë e përvojës, ideve dhe vizionit strategjik, si dhe një partner i Kryesisë në zhvillimin afatgjatë të UNION-it.

Ai nënvizoi gjithashtu se suksesi i UNION-it nuk matet vetëm me numrin e anëtarëve, por veçanërisht me:

besimin që krijon,
partneritetet që ndërton, dhe
vlerën konkrete që u sjell bizneseve që përfaqëson.

Si President i Bordit Këshillëdhënës, z. Viqa u zotua që detyrën e tij ta ushtrojë me përgjegjësi, integritet dhe përkushtim të plotë, duke mbështetur iniciativat që kontribuojnë në forcimin e organizatës dhe rritjen e ndikimit të saj.