Gazeta gjermane shkruan për sukseset e kompanisë së Sef Gutaj

Viteve të fundit shkruajmë e dëgjojmë për suksese të ndryshme të shqiptarëve nëpër botë, në profesione të ndryshme. E një sukses të tillë ka arritur Sef Gutaj, 42 vjeçar, pronar i kompanisë BSL Metallverarbeitung (përpunim i metaleve), i cili është edhe anëtar i Unionit të bizneseve shqiptare – gjermane në Gjermani.

Gazeta gjermane “Westfälische Nachrichten”, ka shkruar një artikull për suksesin dhe ecurinë e tij në kompaninë e të cilën ai e udhëheqë duke ju referuar si një shembull i integrimit të suksesshëm.

Sipas gazetës gjermane, Gutaj, me të marrë udhëheqjen e kësaj kompanie në vitin 2013, ka filluar më 7 punëtor kurse tani ka mbi 30 të punësuar.

Në kompaninë të cilën e udhëheqë Sef Gutaj, ishte për vizitë Frank Tischner, shefi ekzekutiv i shoqatës së zejtarëve të distriktit në Steinfurht Warendorf, i cili tha se: “Përpunimi i metaleve ne BSL është një shembull i shkëlqyer i mundësive se si mund të arrihen përmes përshkueshmërisë në sistemin tonë arsimor dhe se si mund të funksionojë integrimi”.

Gutaj në artikullin e publikuar ka folur për ecurinë, vështirësitë dhe sukseset, ku ka përçuar edhe një mesazh për të rinjtë se më punë mund të arrihet gjithçka.

Unioni i bizneseve shqiptare – gjermane në Gjermani, krenohet me rezultatet e sukseset e të gjithë afaristëve shqiptarë kudo që jetojnë dhe veprojnë, dhe në këtë rast, i inkurajon pëprunuesit e metaleve nga Gjermania e Vendlindja që të gjejnë mënyra të bashkëpunimit me biznese të cilat janë pozicionu fuqishëm dhe janë të strukturuar në tregun gjerman.